როგორ ამოვიცნოთ ეტიკეტებზე დატანილი მარკეტინგული ხრიკები

ტექნოლოგიური განვითარება ყოველდღიურად ზრდის უნდობლობას სამომხმარებლო პროდუქტების მიმართ და გვაიძულებს უფრო მეტად ვიზრუნოთ ჯანმრთელობაზე და გარემოზე, ვიდრე თუნდაც 20 წლის წინ. დღეს უკვე ყველა თანამედროვე მწარმოებლის სურვილია, რომ მათი პროდუქცია იყოს ნატურალური, ბიო, ეკო ან ორგანული.

სწორედ ამიტომ, რაც უფრო ხშირად იყენებენ მარკეტოლოგები თავიანთი პროდუქციის აღწერაში ამ ტერმინებს, უფრო რთული ხდება გარკვევა, რამდენად აკმაყოფილებს პირობას და  რა დადებით გავლენას ახდებს ეს ყველაფერი ჩვენს ჯანმრთელობაზე.

იმისათვის რომ სატყუარაზე არ წამოვეგოთ და ზედმეტი ფული არ დავხარჯოთ, აუცილებელია, პირველ რიგში, დავაიგნოროთ ფრონტალურ ეტიკეტზე მითითებული ინფორმაცია და ყურადღება მივაქციოთ ინგრედიენტების ჩამონათვალს. ამით არ მივცემთ მწარმოებლებს უფლებას დაგვაბნიონ, მოგვატყუონ და ნატურალური პროდუქციის ნაცვლად შეგვაძენინონ მძიმედ გადამუშავებული არაჯანსაღი პროდუქცია.

 გაითვალისწინეთ, რომ ეტიკეტის ჩამონათვალში პირველ რიგში მითითებულია ის ინგრედიეტნტი, რომელიც პროდუქტის წარმოებისას გამოყენებულია ყველაზე მეტი რაოდენობით და  სია ყოველთვის დალაგებულია კლებადობის მიხედვით. ამიტომ ყველაზე ოპტიმალური წესია ეტიკეტზე მოცემული პირველი სამი ინგრედიენტის შემოწმება, რადგან სწორედ ისინი ქმნიან პროდუქციის ყველაზე დიდ ნაწილს.

თუ პროდუქციის მთავარ ინგრედიენტებად მითითებულია რაფინირებული მარცვლეული, შაქარი, ჰიდროგენიზირებული ზეთები და სხვადასხვა კოდის ემულგატორები, ნიშნავს იმას, რომ პროდუქცია არაჯანსაღია.

აქვე გაგაცნობთ ეტიკეტებზე არსებული ძირითადი მითითებების მნიშვნელობებს, რომელიც უნდა გავითვალისწინოთ პროდუქციის შეძენისას:

  1. მსუბუქი (Light) – მსუბუქი პროდუქტების გადამუშავება ხდება კალორიის ან ცხიმის რაოდენობის შესამცირებლად. ზოგი პროდუქტი უბრალოდ ირეცხება და ამ დროს უნდა იყოთ ყურადღებით, ხომ არ არის ჩანაცვლებული რამე სხვა ნივთიერებით, მაგალითად შაქრით.
  2.  მულტიმარცვლეული (Multigrain) – გამოიყენება როგორც ჯანმრთელი პროდუქციის აღმნიშვნელი, თუმცა ის მხოლოდ რამოდენიმე ტიპის მარცვლეულის ნარევს ნიშნავს, რომელიც შესაძლებელია იყოს რაფინირებული.
  3. ბუნებრივი (Natural) –  ეს მითითება ხშირ შემთხვევაში გულისხმობს, რომ რაღაც ეტაპზე მწარმოებელი თავისი პროდუქციის წარმოებისას იყენებდა ისეთ ბუნებრივ წყაროებს, როგორიცაა მაგალითად, ვაშლი ან ბრინჯი. რეალურად კი სულაც არ ნიშნავს, რომ ეს ვაშლი და ბრინჯი მოყვანილია ქიმიური დანამატების გარეშე და ნატურალურია.
  4. ორგანული (Organic) – ორგანული პროდუქციის ინგრედიენტების 95% არ შეიცავს პესტიციდებს და არ არის გენ მოდიფიცირებული, რაც კონტროლდება კანონმდებლობით. თუმცა აღნიშნული მითითება ეტიკეტზე მაინც არ გვაძლევს გარანტიას, რომ ვყიდულობთ ცალსახად ჯანსაღ პროდუქციას, რადგან ორგანული შაქარიც ჩვეულებრივი შაქარია, რომელიც არ არის ჯანსაღი პროდუქტი.
  5. ბიო (Bio) – ბიო პროდუქცია დაცულია ქიმიური დანამატებისგან, კონსერვანტებისგან და ტოქსინებისგან, რაც ისევე როგორც ორგანული პროდუქცია, კონტროლდება შესაბამისი სამსახურების მიერ. დაუდასტურებელი, მაგრამ ფართოდ გავრცელებული მოსაზრების თანახმად „ბიო“ უფრო მეტად „სუფთაა“ ვიდრე „ორგანული“.
  6. ეკო (Eko) – მსგავსი მითითება არ კონტროლდება, ამიტომ ასეთი ეტიკეტის მქონე პროდუქტს რამდენადაც არ უნდა ქონდეს „მწვანე“ პროდუქციის პრეტენზია, ის ძირითადად სავსეა ქიმიური ნივთიერებებით, ამიტომ ამ შემთხვევაში მეტი ყურადღებით უნდა შეამოწმოთ ეტიკეტზე მითითებული ინგრედიენტები.
  7. შაქრის გარეშე (No added sugar) – ის, რომ პროდუქტში არ არის დამატებული შაქარი, სულაც არ ნიშნავს იმას, რომ პროდუქტი ჯანსაღია. ასეთ დროს უმეტეს შემთხვევაში დამატებულია არაჯანსაღი შაქრის შემცვლელი დანამატები.
  8. დაბალ კალორიული (Low-calorie) – დაბალ კალორიულ პროდუქტებს ორიგინალ პროდუქტთან შედარებით აქვთ 3-ჯერ ნაკლები კალორია. თუმცა ერთი ბრენდის დაბალკალორიული პროდუქტი შესაძლებელია შეიცავდეს ბევრად მეტ კალორიას ვიდრე სხვა ბრენდის იგივე ორიგინალური პროდუქტი. ამიტომ შეამოწმეთ რაოდენობა და არ გადაიხადოთ ძვირი მხოლოდ ეტიკეტში.
  9. უცხიმო (Low-fat) – ეს ეტიკეტი ძირითადად ნიშნავს რომ ცხიმი მოშორებულია შაქრის დამატების ხარჯზე, ამიტომ აქაც განსაკუთრებით ყურადღებით წაიკითხეთ შემადგენლობის ჩამონათვალი;
  10. ნახშირწლების დაბალი შემცველობა (Low-carb) – ბოლო დროს ხშირად გვხვდება მსგავსი ეტიკეტი, რადგან დაბალი ნახშირწლების დიეტა პოლუპარობით სარგებლობს მისი ეფექტურობის გამო, თუმცა მსგავსი პროდუქტები ისეთივე მეთოდით მუშავდება როგორც დაბალ ცხიმიანი საკვები.
  11. დამზადებულია მთლიანი მარცვლეულსგან (Made with whole grains) – თუ ინგრედიენტების ჩამონათვალის პირველ სამეულში არ არის რომელიმე მარცვლოვანი კულტურა მითითებული, ჩათვალეთ, რომ ეს პროდუქტი მარცვლეულს თითქმის არ შეიცავს;
  12. გამაგრებული ან გამდიდრებული (Fortified or enriched) – ეს ნიშნავს, რომ პროდუქტში დამატებულია გარკვეული საკვები ნივთიერებები. მაგალითად, რძეში თითქმის ყოველთვის ამატებენ D ვიტამინს თუმცა ის რომ, ვიტამინით გამდიდრებულია, არ ნიშნავს რომ ჯანსაღია.
  13. გლუტენის გარეშე (Gluten-free) – უგლუტეინო პროდუქტი არ ნიშნავს ჯანმრთელ პროდუქტს, რადგან ის მხოლოდ და მხოლოდ არ შეიცავს ხორბალს, ჭვავს ან ქერს და უმეტეს შემთხვევაში ძლიერად არის გადამუშავებული და დატვირთული არაჯანსაღი ცხიმებითა და შაქრით.
  14. ხილის არომატით (Fruit-flavored) – ბევრ გადამუშავებულ პროდუქტს აქვს ერთი შეხედვით ნატურალური დასახელება, მაგალითად „მარწყვის იოგურტი“, თუმცა შესაძლებელია პროდუქტი საერთოდ არ შეიცავდეს ხილს და შეიცავდეს მხოლოდ  ხილის არომატიზატორ ქიმიკატებს.
  15. ნულოვანი ტრანს ცხიმები (Zero trans fat) – ეს ნიშნავს 0,5 გრამზე ნაკლებ ტრანს ცხიმს თითო პორციაზე და თუ პორციის ზომები საეჭვოდ არის შემცირებული, ეს იმას ნიშნავს, რომ შეცდომაში შეყავხართ ეტიკეტს.

ზოგიერთი პროდუქტი შესაძლებელია მართლაც შეესაბამება ბიო, ნატურალურ და ორგანულ სტანდარტებს, ამისთვის საჭიროა ეტიკეტზე მოცემული ინგრედიენტების კვლევა სხვადასხვა ვებ აპლიკაციების საშუალებით. მაგალითად,  როგორიცაა Think dirty და Fooducate

წყარო: HEALTHILINE , EUGEORGIA

სან-ფრანცისკოში წამოსაწოლი სამუშაო მაგიდები გამოუშვეს

ყველას გახსოვთ ალბათ ემა, ოფისში მომუშავე ადამიანის შემაძრწუნებელი ევოლუცია 20 წლის შემდეგ:

 შეუქცევადი პროცესის შესაჩერებლად, სან-ფრანცისკოში დაფუძნებულმა კომპანიამ Altwork-მა, თავისივე შექმნილი საოფისე მაგიდის გაუმჯობესებული ვერსია გამოუშვა, რომელიც ოფისის თანამშრომლებს საშუალებას აძლევს, არც მეტი არც ნაკლები, თან წელი გამართონ და თან იმუშაონ.

 კონსტრუქცია შედგება წამოსაწოლი სკამისგან, მაგიდისგან და 40 კილოგრამიანი ზამბარიანი კორპუსისგან, რომელიც ადგილზევე დაიჭერს მძიმე კომპიუტერულ ტექნიკას.

 მწარმოებლები ირწმუნებიან, რომ ამ მაგიდის მოხმარებით ოფისის თანამშრომლები შეინარჩუნებენ ჯანმრთელობას და გაცილებით პროდუქტიულები გახდებიან.  

მოწყობილობა ხელმისაწვდომია ამერიკის შეერთებულ შტატებში და მისი ფასი 7 600 აშშ დოლარია.

წყარო: DAILY MAIL

თქვენი ჯანმრთელობისთვის შექმნილი 3 ნივთი, რომლის არსებობა უნდა იცოდეთ

3. მასაჟორი Lixada Akupressur-Set

Lixada Akupressur-Set არის ახალი თაობის მასაჟორი, ერთდროულად ხალიჩა და ბალიშიც, რომელიც ერთმანეთში აერთიანებს უძველეს აკუპრესურს და თანამედროვე ტექნოლოგიებს.

გვარწმუნებენ (რასაც მრავალი მომხმარებელი ადასტურებს) თუ მას დღეში მინიმუმ 15-20 წუთით გამოვიყენებთ, მოგვიხსნის ყველანაირ დაძაბულობას, ტკივილს კიდურების, კისრის და მხრების არეში, მნიშვნელოვნად გაგვიმუჯობესებს განწყობას და ჯანმრთელობას.

მისი შეძენა შესაძლებელია გერმანულ ამაზონზე 35.98 ევროდ

2.ჯანმრთელობის არაინვაზიური ანალიზატორი Xiaomi HiPee Smart Health Wizard White

სულ რაღაც 1 წუთიანი ტესტის შედეგად ანალიზატორი ადგენს ორგანიზმის მდგომარეობას 14 მარკერის საშუალებით. ამისთვის მხოლოდ საჭიროა ანალიზატორი მოათავსოთ შარდში და 60 წამში გაიგოთ თირკმელების ფუნქციური მდგომარეობა, ღვიძლის, პანკრეასის, ნაწლავების მდგომარეობა, არის თუ არა ანთებითი პროცესი ამ ორგანოებში, განსაზღვრავს გლუკოზის რაოდენობას შარდში, მეტაბოლიზმის ცირკულაციას და ცხიმის რაოდენობას. ანალიზის შედეგებს მოწყობილობა ბლუთუსით გზავნის თქვენს გაჯეტზე.

ნივთი ხემისაწვდომია გეარბესთზე 159.99 აშშ დოლარად.

1. Picooc-ის ჭკვიანი სასწორი

სასწორი უკავშირდება სმარტფონს, სადაც შეგიძლიათ დააინსტალიროთ აპლიკაცია როგორც Google Play-დან, ასევე App Store-დან. რის შემდეგაც აპლიკაცია ასინქრონებს და იმახსოვრებს სასწორის მიერ მიწოდებულ ინფორმაციას თქვენი პარამეტრების შესახებ გრამების სიზუსტით და ყოველ ჯერზე აწონვის დროს გაძლევთ საშუალებას შეადაროთ მონაცემები რამოდენიმე პარამეტრით. მაგალითად, Picooc S3 Lite-ს შეუძლია საერთო წონის, კანქვეშა ცხიმის პროცენტული ოდენობის, მუცელზე და სხვა ადგილებში ცხიმის რაოდენობის, ნივთიერებათა ცვლის სიხშირის, სხეულის მასის ინდექსის, ძვლებში პროტეინის, ზოგადად პროტეინის, ბიოლოგიური ასაკის გამოთვლა და სხვა მონაცემების გაანალიზება 3 წამში. გამოთვლის შემდეგ აპლიკაცია ახდენს ინდივიდუალური ვარჯიშის გრაფიკის და კვების პროგრამის შემუშავებას.

პროდუქტი საუკეთესო საჩუქარია მათთვის ვინც ცდილობს ოცხოვროს ჯანმრთელი ცხოვრების წესით და ეს იქნება სხვა თუ საკუთარი თავი, არა აქვს მნიშვნელობა, ნებისმიერ შემთხვევაში საჭირო ნივთია.

სასწორი ამ ეტაპზე ბრიტანულ ამაზონზეა ხელმისაწვდომი და შეგიძლიათ 77 ევროდ შეიძინოთ.